Alahady 2 oktobra 2022: Alahady XVI manaraka ny Trinite
Alahady 9 oktobra 2022: Alahady XVII manaraka ny Trinite
Alahadin’ny Radio Protestanta FFPM
Alahady 16 oktobra 2022: Alahady XVIII manaraka ny Trinite
Alahadin’ny MAMRE
MAMRE: Masera FJKM
NY FIANDOHANY :
Ny taona 1988 no nandraisan’ny Mpiandraikitra Foibe FJKM, ny fiaraha-miaina amim-bavaka MAMRE, ho endrika anehoan’ny Fiangonana ny fanompoan’ny Vehivavy manokan-tena ho an’ny Tompo. Ilay fitiavana feno tao amin’i Jesoa Kristy amin’ny fanoloran-tena feno sy tanteraka hatramin’ny farany, amin’ny alalan’ny tsy fanambadiana sy ny fiaraha-miaina no zava-kendrena sy iainan’ireo Masera FJKM ao amin’ny MAMRE. Feno 26 taona izao ny MAMRE. Talohan’izany dia efa nisy ny atao hoe FAZA, FAnolokoloana ny Antso ho an’ny ZAzavavy, niaraka tamin-dRtoa Marie Homburger, Misionera naharitra ela teto amintsika, izay nahita tamin’ny fitsidiham-paritany sy fanofanana nataony fa maro ireo zazavavy voantson’ny Tompo ka maniry hanolo-tena ho Azy. Nojeren’ny FJKM manokana izany ka niara-niasa tamin-dRtoa Marie Homburger, nandinika ny amin’izay hanolokoloana ny antso ho an’ny Zazavavy izany ny Mpitandrina : Atoa ZAKARIASY Albert sy Atoa RAKOTOSAONA tamin’ny fotoanandro. Nanomboka ny fiaraha-miaina tao Imarivolanitra Rtoa Marie sy ireo zazavavy vitsivitsy. Efa nifandray tamin’ny Masera Protestanta tany Grandchamp (Suisse) ny FAZA hatramin’ny voalohany. Nifindra tao Ambavahadimitafo ny FAZA tamin’ny taona 1979. Avy tamin’ny FAZA no nipoiran’ny MAMRE.
NAHOANA NO MAMRE NO ANARAN’IZY IREO?
Tsy fanafohezan-teny akory ny hoe MAMRE fa ilay toerana nisehoan’Andriamanitra tamin’i Abrahama tamin’ny endriky ny anjely, araka izay voalazan’ny Genesisy toko faha-18. Misy dingam-piainana tsy maintsy lalovana raha te-hiditra ho mpiara-miaina ao amin’ny MAMRE FJKM vao tonga amin’ny fanokanana ho Masera .
www.fjkm.mg
Alahady 23 oktobra 2022: Alahady XIX manaraka ny Trinite
Alahadin’ny Sampana Fifohazana FJKM
Alahady 30 oktobra 2022: Alahady XX manaraka ny Trinite
Alahadin’ny Reformasiona