« Hahatonga famonjena ho anao avy amin’ny fitoerana masina anie Izy » (Sal 20,2a)
Fifaliana ho anay eto amin’ny FJKM Strasbourg Famonjena ny mampahafantatra anareo, fa hotanterahina ny Sabotsy faha-19 Novambra 2022 ho avy izao, ny fanokafana ny fankalazana ny faha- folo taonan’ny Fiangonana.
Amin’ny 10 ora maraina no hanomboka ny fanompoam-pivavahana fanokafana. Ao aorian ́izay dia hisy fiaraha-misakafo ho fanohanana ny ezaky ny komity amin’ny fanatrarana ny tsangambaton’ny faha-folo taona. Araka izany, dia hisy tapakila fandraisana anjara ho amin’izany sakafo izany (entrée- plat-dessert). Nofaritana ho 20 euros isan’olona izany ho an’ny lehibe, ary 10 euros ho an’ny ankizy latsaky ny 10 taona. Hisy koa ny fivarotana sakafo maivana sy rano fisotro samihafa.