Ry olo-mangam-pirenena!
Fa tsarovy ange ireo Magy,
tena olona nahay
sady nanam-pahalalana
ary feno fahendrena;
saingy tsy afa-po mihitsy,
fa nandeha nitety tany,
nisahirana tokoa
mba hitady Ilay Mpamonjy.
Ny fahaizany, ny azy,
Tsy nataony ho rehareha
Ka hiteraka avonavona
Hihamboana hahavita
samirery ny fiainany,
fa nanosika azy ireo
hikaroka ny tena izy
dia i Jesoa irery ihany!
Ary tena maharavo
Ny mahita ireto izy
Tsy nitandro ny hasasarany
Ary tsy nanaiky koa
Raha tsy nahatratra tanjona.
Hitany ihany Ilay Mpamonjy
Ka natolony Azy teo
Ireto zava-tsarobidy:
zava-manitra sy miora
ary volamena koa!
Moa ho ambakan’izy ireo
Ve ianareo rehetra
Olo-mangam-pirenena?
VONTOSY FILAZANTSARA
NY NOSY MADAGASIKARA !
IRAKO AMMI